Admin
Admin
المساهمات : 334
تاريخ التسجيل : 15/03/2008
العمر : 38
 |  موضوع: ازاي وبأي وش  الخميس مارس 12, 2009 2:39 am | |
|
إزاي وبأي وشمن بعد ما جرحتيني
جايه قال تعتبيني
وعايزه تصلحيني
وتقولي حقك عليّه
من بعد ماعذبتيني
ومن غدرِك دوقتيني
بتقولي إنتَ إللى ليّا
طيب ما إنتِ إللي بعتيني
وبعندك كسرتيني
ونزلتي دموع عنيه
عايزاني أصدق عنيكِ .. لما كذبت عليّا
ولا لمسة إيديكِ .. لما طعنت إيديا
إزاي وبأي وش .....؟!
راجعالي وبتلوميني وتقولي حبتينى
ده أنا من غيرك بتألم .. احميني و احتويني
فكرانى ح أضعف قصادِك .. لأ والله برافو عليكِ
مثلتِ الدور عليّا وأنا ح أخضع بين إيديكِ
لأ فوقي من بعد جرحك مستحيل أنا ح أبقى ليكِ
إزاي وبأي وش .....؟!
هو إنتِ نسيتي نفسك لما بعدتي وسبتيني
أنا كنت أتمنى أشوفك وفى قلبك تحضنيني
وماشفتش إلا القسوه .. وبحبك ذلتيني
ولما جيت أصارحك .. بكلامك قتلتيني
إزاي وبأي وش ...؟!
أسامح إزاي وأنسى سنين مرّت فى جرحك
أنا دوقت فيها العذاب و كرهت حتى ملامحك
طلعتك من كياني وأنا قلبى بيتألم
دلوقتي راجعه تاني .. وفكرك قال ح أسامحك
إزاي وبأي وش ...؟!
أرجوكِ إمشى وسبيني أنا من غيرك مرتاح
ليه بترجعينى لأيام مليانة جراح
أنا مش ح أرجع لكِ تاني ف ياريت أسهل تنسيني
دلوقتى أنا ح أعترف لك إنك ماحبتيني
إزاي وبأي وش ....؟!
لأ متستغربيش أيوه ده يبقى أنا ..!
عرفت أتحدى ضعفي وأفوق من وهم سنه
خلاص أنا مش ضعيف ولا قلبى بيرتجف
الدنيا غيرتنى وبكرهـــــك ح أعتـــــرف احمدشاعرالاحزان | |
|
