سالتها بتحبيني والا بتحبيه

سلمت على و ضحكت ليه
قالتلى تعالى وراحت ليه
قالتلى بحبك بلسانها وبقلبها وفت ليه
سألتها بتحبينى ولا بتحبيه ؟؟؟
قالتلى لو فتحت قلبى مش هتلاقى غيرك فيه
وعينيها دمعت من شكى فيها والغيره
قولتلها حقك على اصل انا كنت هاموت من الحيره
اتأسفتلها وطلعت نفسى انا الغلطان
قالتلى بحبك وكل الكلام اللى انت قولته فى النسيان
عشان تعرف ان انا بحبك اكتر منك بمليون مره كمان
ومش عاوزاك تمشى وانت كده زعلان

سمعت كلامك و صدقتك
لغايه لما جيت وبالصدفه شوفتك
دلوقتى هاتقولى ايه
بعد لما شوفتك و عينيكى فى عينيه
شوفت ايدك و هى حاضنه ايديه
للدرجادى الحب عندك بالساهل
للدرجادى انا ما كنتش استاهل
عندك كام وش وليكى كام قلب
اللى انتى عملتيه اكبر من اى خداع او كدب
طلعتينى فى الاول غلطان وانا كنت فاهمك تمام
انتى خاينه وكدابه و دى حقيقه مش مجرد اتهام
لايقين على بعض ....صديق كداب و حبيبه خاينه
هامشى وأدور فى الايام عن صديق وفى و حبيبه تانيه
وقبل ما امشى احب اقول الف تحيه ليكى وليه مليون سلام
علمتونى ازاى اتجرح و امشى من غير كلام !!!!!!