الدنيا ماشيه وكل شيء مكتوب

الدنــــــــيا ماشــــيه وكــــل شــئ مكتوب
واللي بات غالب بــكره يبـــات مغــــــلوب
لا عــــــمرها دامـــــت لـحد ولا حد بيعمر
ده حتى عمرك من قبل ما تتولد محسوب
*****************
تايه في زحمة دنيــتك شغلاك بمشاكلها
تخاصمك تكره دنيتك تصالحك تحن لها
لا في مره دام الــــهنا وتــروق وتتعكر
ودايما تقول يا ســـــــلام ربك يـــعدلها
******************
اما تلاقي فرحتك بســــرعه تعـــــدي لها
تبعد شوية عن طريقك تروح وتجري لها
لا مـــره أنت حصـــلتها وترجع بتتـحسر
وترجع تقــول يا كـريم بالستر كمــــــــلها
******************
الخلق ماشية في الشوارع شغلاها احوالها
والريح بتدور بين البشر وتغني موالها
يعني بصراحه يا ابن ادم علشان ما تتحير
ارضي بنصيبك من الحياة وارجع وغني لها