بقولها : جوايا ليكى حبه حاجات ومحتاجات
معرفش ليه حاسس ان انتى غير كل البنات
قاتلى : تصدق ده نفس احساسى لما بكون معاك
احساس غريب مايحسهوش غير الملاك
قولتلها: وتصدقى بكون محضرلك كلام وكمان عتاب
لكن اول مابشوفك بنسى الخصام وانسى الكلام
قالتلى : الله عليك ما تيلا قول واعترف وايه كمان؟
قولتلها: خايف تقولى مجنون كبير
او تقولى ان مخى قرب يطير
قالتلى : بس قول ومتشلش هم حاجات كتير
قولتلها: عاوز اقولك شويه حاجات
من اول يوم عرفتك .. لغايه اليوم اللى فات
بجد انا احساسى بيكى ..احساس جديد
احساس جميل يفوق اى احتمال
والقى نفسى انده عليكى كل يوم
حتى وانا نايم بحلم تملى بيكى
والقى نفسى بتناقش معاكى
والعب معاكى وابصلك عينى فى عنيكى
وبشوف فيهم كلام من غير ما بتقولى الكلام
واابقى عاوز اقول بحبك
بس خايف ....... عارفه ليه؟؟؟؟
عارفك عنيده ومبتقبليش بأى حب
بس حاسس بانك محتاجانى
وبتنادينى ... وبتبادلينى نفس احساسى وحبى
ردت قالتلى: ياااه بكلامك ده زودت رعبى
وخوفى بزيد يوماتى
ومشكلتى انى بتعلق بيك زياده
وبلقى نفسى افكر فيك وفى كلامك
واسال واقول ياترا ايه جرالك
وعامل ايه ويامين يقولى ايه هى اخبارك
بس تعرف ان عقلى بيوقفنى ويقولى كفايه
بس قلبى لاول مره يرد ويقولى ايه الحكايه؟؟؟؟
ويقولى متسبيش الشخص ده
دا انتى دايبه وهو دايب
وصعب هتلاقى اللى قلبك يوم يحبه
ويجى عقلى ويبوظلى كل الامانى
يقولى ده مجرد وهم فى خيالك
انتى محتاجه تحبى بس مش لاقيه الشخص المناسب
وانا عقلك وبأمرك تفوقى وتبطلى لعب العيال
وارجع اسكت لحظتين واحاول انسى الحوار
ومره واحده القى نفسى بتصرف لوحدى
والقى قلبك بينادينى
والقى قلبى بيقولك مليون بحبك
رديت عليها:
على فكره انتى بتحبينى
لكن معرفش ليه مصره تسيبينى وتحبطينى
مع انك بالشكل ده بتعذبينى
ومنايا فى الدنيا رضاكى
ونفسى اسعدك وتبقى الدنيا بين اديكى
وظروفى صعبه وانتى عارفه
بس انا مش ممكن اسكت
ومش هيبقى فى حياتى غيرك
بس انتى ترضى
قالتلى: خايفه اوافق وخايفه ارفض
انا زمان الخوف مكنش يعرف سكتى
لكن من بعدماعرفتك بقى معايا فى دنيتى
وبخاف عليك وبخاف عليا
والحب وحده مش كفايه يبنى بيتنا
قولتلها:مفيش بنى ادم ابتدا وهو كبير
ولازم فى الحياه يكون فى شويه عذاب وحبه تعب
لان هى الحياه بدايتها تعب
وتعالى نمشى طريقنا بخطوتين
وانا مشيت خطوتى
فاضل ياستى خطوتك
وهنلاقى طريقنا بيتفتح
ردت وقالت: برضه خايفه
خايفه بدل مااشيل معاك
ابقى انا حمل عليك
قولتلها: وبعدين معاكى ...مش قولتلك متقلقيش
وطول منا وياكى متخافيش
ومش هسيبك مهما حصل
انتى ليا وانا ليكى
وانتى قدرى ونورى بيكى
ومش هسيبك ...حتى لو قررتى انتى تسيبينى
دا انا بحبك وبعشق جمالك
وكمان طريقتك ومخك وكلامك
وكل حاجه فيكى بنظرات عنيكى
يلا وافقى ومتضيعيش عمرنا
دى لحظات جميله مفيش ابدا زيها
ردت وقالت: بص انا مكتوبلى كده
مكتوب عليا مقدرش اعيش
ورضيت بالهم والهم بيا مرضيش
والحياه بقت معايا هى كده
البسمه قليل والحزن كتير
والحظ مش عاوز ابدا يبتسملى
وخلاص رضيت
ونصيحه منى ... تنسانى خالص
وتنسى اسمى ومعلش هو ده قدرك معايا
وهى دى اخر الحكايه
واتولدنا عشان نعيش اتعس حياه
بس يمكن تلقى واحده تقدرك
وتعيشك اجمل حياه
وتسعدك وتعوضك كل الالام
وانا بجد مش هلاقى حد زيك
بس هى ظروفنا كده
وقدرنا مكتوب على جبينا كده
ويوم ماتلقى المطره تنزل
افتكرنى... واوعى دمعه من عيونك هى اللى تنزل
وادعيلى ابقى كويسه والقى نفسى من جديد
جيت ارد لقيت دموع سبقت كلامى
ولقيت خلاص ضاعت الامانى
ومفيش كلام يقدر يقول اد ايه بقت الجراح
اخر حاجه راح اقولها
ربنا هيبقى معانا
وعارف قلوبنا
وهو معانا
موضوع: بعترفلك يا حبيبتي 
الخميس نوفمبر 13, 2008 2:13 am
