مش انسحاب ولا اسمه هروب

مش إنسحاب ولا إسمه هروب
مش العتاب معناه مكتوب
تجرح تقسى على المحبوب
من ورا باب إسمه العتاب

قبل ما تجرح شوف الكلام
واحسب درجة صدقى انا كام
كيانه عندك بقى أوهام
تحت الصفر براءتى غياب

ياما عليك فوّت أمور
ترمى الغدر وأقول معذور
وضحكة باهتة طالها غرور
مع غلطاتى تمللى حساب

ح انسحب إذا كان يرضيك
وح ابتعد لو فين أراضيك
وان كان حل البعد راضيك
خط نهايتى شمسه سراب

آخر كلام ولا بينّا كلام
رح يشفع ولا حتى ملام
ولا كلامنا ف أخره سلام
مش انسحاب ولا اسمه عتاب

احمد الشاعر