بلاش عتاب علي حب راح

بلاش عتاب ..
على حب راح
أخره العذاب
وطريق جراح

ماتلوميش قلبى اللى حبك
واللي كان يتمنى قربك
بعد ما بعتي أحلى سنين
جاية بتبكي بدمع العين
وتدوّري مين باع فينا حبه
أو مين ساب..!
ما بلاها عتاب

روحي وعيشي حياتك تاني
جربي تعشقي قلب أناني
وإن جرحك لا تلومي عليه
دوقي المر كمان بإديه
وإفتكري انك خنتي فيوم
وظلمتي أحباب
وبلاها عتاب

أقفلي يلا بيبان الحب
عيشي ف توهة وعيشي بذنب
ماتقولليش ننسى الاحزان
ذكري جراحي ف كل مكان
كنا وكان وبعدنا خلاص
وبقينا أغراب
ولا ينفعشي بينا عتاب

احمد الشاعر