جاي تقول خلاص ندمان

جاى تقولى خلاص ندمان
جاى تقولى قاسيت حرمان
جاى بتقول عن قلبى حبيبك
نفسك نرجع زى زمان

راجع تانى تقولى سماح
بعد ماسبت ف قلبى جراح
بيقاسى منها ف مسا وصباح
زى الطيرمكسور له جناح
راجع تانى لقلبى يسامحك
انسى يسامحك
وانسى ف يوم انك ترتاح
بكره تبات ليلك تتندم
على ايامى وع الافراح

ابعد عنه ياقلبى وسيبك
عمره ماحبك
ولاكان عمره ف مره حبيبك
انت عشقته وكنت دواه
ومكنش طبيبك
كنت فرحه تملى معاه
وف احزانك
كان بيسيبك
بعد ده كله ياقلبى ماصابك
راجع تانى يقول ندمان
لاء
اندم
اندم
خلى عيونك تبكى من الحرمان
لازم تشرب نفس الكاس
اللى سقيته لقلبى زمان
دانا حبيتك حب محبوش ليك انسان
وانت مصونتش
ضحى القلب كتير علشانك
عمرى مخونتش
هنت عليك وجرحت ف قلبى
وانت ف مره عليا مهونتش
بعد كله ياقلبى ماصابك
راجع تانى يقولى ندمان