محتاج تاخديني في حضنك ساعه

محتـاج

محتــــــاج
تاخديني ف حضنك ساعه
وتقولي لحضني انك عارفاه
وتلف الدنيا بحالها إشاعه
وتقول للناس انك عاشقاه

محتــــــاج
يشوفوني معاكي ف يوم
وتحطي إديكي ف حضن إديا
واما يشوفوني يشاوروا عليكي
واما يشوفوكي يشاوروا عليا
ويا ريت
تتمشي ف قلبي برحمه شويه
وتحسّي بقلبي ان قال الآه

محتـــــاج
تتوحّدي بيّا ف لحظة يأسي
واتوحد بيكي ف لحظة خوفي
تتهجي معايا الكلمه الفجر
تتحرك كل حروفي الساكنه ف جوفي
وتقول أشعار
ف عنيكي الليل
وتقول مواويل
والدنيا ترد تقول : الله !
احمد الشاعررررررر