وداع الجزمه

وسع يابنى ح اكتب لزمة

فِ قصيدة عن بوش والجزمة

عن راجل من ضهر رجولة

علمنا النخوة فِ بطولة

وما خافش الاسلحة والسلطة

ولا فكرش ينط النطة ،

يخطف بيها ورك البطة ،

يسرق حلم الناس والضعفا

ولا يشارك بعض الزعما ،

لجل ما ياخد حتة تورتة

كان همه ازاي يعلن رفضه

ويودع اللى خطف أرضه

بالجزمة اللي تليق بسيادته

فردة ورا التانية وبسرعة

الله يابنى على دي فكرة

جزمة تودع فردة جزمة

لا سلاح نووى ولا بازوكة

فكرة تهزأ من سلبوكا ،

أرضك ..عرضك..قتلوا ابوكا

وعن العالم جم عزلوكا

فردة ورا التانية وبسرعة

رجعت بيها دماء العزة

آه لو لبست فوق القورة

واتعلم وشه في الصورة

لجل ما ينسى احلى وداع

فى حياته ما ح يشوف زييه

الا من ايد شربت عِزة ،

وانت يا بوش تستاهل الجزمة

وانت يا بوش تستاهل الجزمة!!

اي والله .. تستاهل الجزمة